نكـــت مصريــة

تم تغيير النشيد الوطني المصرى وأصبح : بلادو بلادو بلادو ..... مصر لحسني وولادو!!!!

**************

سألوا الرئيس حسني مبارك عن رأيه في التغيير ، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة

**************

صعيدي طلب يتعين في مجلس الشعب ، قالوله أنت أهبل؟ قال : يعنى لازم الشرط ده

**************

صعيدي مسكوه بيزور فلوس بيقول للضابط : أموت واعرف عرفتوا أزاي ؟ الضابط قاله : يا ابن الجزمة هو في ورقة ب65 جنيه

**************

ثلاثة محششين وقفوا تاكسي السواق عرف أنهم محششين شغل العربية وطفأها وقالهم وصلنا ، الأول دفع الأجرة ، والتاني قاله شكرا ، والثالث ضربة على قفاه وقاله متبقاش تجري بسرعة تأني

***************

واحد بخيل جاله شحات وقاله : أنا جعان ومدقتش طعم العيش بقالي يومين ، قاله البخيل : هو نفس الطعم متغيرش

**************

موجه لغة عربية بيقول للمدرس : ليه العيال بينطقوا الجيم دال ؟ قاله : ماهو ده اللي مدنني

**************

دعاء زوجات 2010: اللهم أشفي رجالنا من الندالة ، واعمي أبصارهم عن البنات النئاوه ، واجعل نانسي واليسا وهيفاء في عيونهم زبالة ، وصور لهم روبي شغالة ، وقربنا لهم وخلينا في عيونهم أخر حلاوة

***************

قسم الرجال المصريين عند الزواج: أقسم برب البريه ، أن أكون مطيعا للوليه ، وأن أسلمها المهيه ، وكل الحوافز الظاهرة والمخفية ، وأن أقطف لها الملوخية ، وأن أكون في البيت من المغربية ، وحسبنا الله ونعم الوكيل فالست ديه

ههههههههههههههههههههه

اشكرك عاشقة تحياتي لكِ

محطة رائعه ننتظر المزيد

يقصف ذنيكي يا عاشقة حرام اتركي المصريين بحالهم

ههههههههههههههههههههههههههههههههه

تحياااتي عاشقة حلوووووووووووين

تقبلي مروري

في صمتي كلام

حسام لك بترك الكل بحالو الا انت ما بتركك يا عنتر ههههههه

نورتو اصدقائي

تحياتي